ਜਲੰਧਰ, रोजाना भास्कर (हरीश शर्मा): ਹਾਕੀ ਇੰਡੀਆ ਦੀਆਂ 100 ਸਾਲਾਂ ਉਤਸਵ ਸੂਰਜੀਤ ਹਾਕੀ ਸਟੇਡੀਅਮ ਵਿੱਚ ਵੱਡੇ ਉਤਸ਼ਾਹ ਨਾਲ ਸ਼ੁਰੂ ਹੋਈਆਂ, ਜਿੱਥੇ ਸੂਰਜੀਤ-XI ਅਤੇ ਪੀ.ਆਈ.ਐੱਸ.-XI ਨੇ ਸੂਰਜੀਤ ਹਾਕੀ ਅਕੈਡਮੀ ਵੱਲੋਂ ਸੂਰਜੀਤ ਹਾਕੀ ਸੁਸਾਇਟੀ, ਜਲੰਧਰ ਦੇ ਸਹਿਯੋਗ ਹੇਠ ਆਯੋਜਿਤ ਦੋ ਰੋਮਾਂਚਕ ਪ੍ਰਦਰਸ਼ਨੀ ਮੈਚਾਂ ਵਿੱਚ ਜਿੱਤ ਪ੍ਰਾਪਤ ਕੀਤੀ ।
ਇਸ ਮੌਕੇ ਦਰੋਣਾਚਾਰੀਆ ਐਵਾਰਡੀ ਅਤੇ ਉਲੰਪੀਅਨ ਰਾਜਿੰਦਰ ਸਿੰਘ (ਜੂਨੀਅਰ) ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਖੇਡਾਂ ਸ਼ੁਰੂ ਹੋਣ ਤੋਂ ਪਹਿਲਾਂ ਉਨ੍ਹਾਂ ਨੂੰ ਹਿੱਸਾ ਲੈਣ ਵਾਲੀਆਂ ਟੀਮਾਂ ਨਾਲ ਜਾਣ-ਪਛਾਣ ਕਰਵਾਈ ਗਈ ।
ਮੈਚ ਸ਼ੁਰੂ ਹੋਣ ਤੋਂ ਪਹਿਲਾਂ ਸੂਰਜੀਤ ਹਾਕੀ ਅਕੈਡਮੀ ਦੇ ਸੀ.ਈ.ਓ. ਇਕਬਾਲ ਸਿੰਘ ਸੰਧੂ ਨੇ ਮੁੱਖ ਮਹਿਮਾਨ ਦਾ ਨਿੱਘਾ ਸਵਾਗਤ ਕੀਤਾ ਅਤੇ ਇਕੱਠ ਨੂੰ ਹਾਕੀ ਇੰਡੀਆ 100 ਸਾਲਾਂ ਦੀਆਂ ਉਤਸਵਾਂ ਦੀ ਮਹੱਤਤਾ ਬਾਰੇ ਜਾਣੂ ਕਰਵਾਇਆ, ਜਿਸ ਵਿੱਚ ਦੇਸ਼ ਵਿੱਚ ਇਸ ਖੇਡ ਦੀ ਅਮੀਰ ਵਿਰਾਸਤ ਨੂੰ ਉਜਾਗਰ ਕੀਤਾ ਗਿਆ।
ਦਿਨ ਦੇ ਪਹਿਲੇ ਮੈਚ ਵਿੱਚ ਸੂਰਜੀਤ-XI ਨੇ ਅਲਫ਼ਾ-XI ਨੂੰ 4-1 ਦੇ ਸਕੋਰ ਨਾਲ ਹਰਾ ਕੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਹਾਫਟਾਈਮ ਤੱਕ ਜੇਤੂ ਟੀਮ 2-1 ਨਾਲ ਅੱਗੇ ਸੀ ਅਤੇ ਦੂਜੇ ਹਾਫ ਵਿੱਚ ਵੀ ਆਪਣੀ ਲੈਅ ਬਰਕਰਾਰ ਰੱਖੀ।
ਸੂਰਜੀਤ-XI ਲਈ ਆਰੀਅਨ, ਮੋਹਿਤ, ਆਦਿਤਿਆ ਸਵਾਮੀ ਅਤੇ ਹਰੀਸ਼ ਨੇ ਇੱਕ-ਇੱਕ ਗੋਲ ਕੀਤਾ, ਜਦਕਿ ਅਲਫ਼ਾ-XI ਲਈ ਨਿਤੀਸ਼ ਅਤੇ ਵਿਕਾਸ ਨੇ ਗੋਲ ਕੀਤੇ । ਦੂਜੇ ਮੈਚ ਵਿੱਚ ਪੀ.ਆਈ.ਐੱਸ.-XI ਨੇ ਜਲੰਧਰ-XI ਨੂੰ 2-1 ਨਾਲ ਹਰਾ ਕੇ ਜਿੱਤ ਹਾਸਲ ਕੀਤੀ ।
ਇਸ ਰੋਮਾਂਚਕ ਮੈਚ ਵਿਚ ਪੀ.ਆਈ.ਐੱਸ.-XI ਨੇ ਖੇਡ ਦੇ 10ਵੇਂ ਮਿੰਟ ਵਿਚ ਯੁਵਰਾਜ ਸਿੰਘ ਵੱਲੋਂ ਕੀਤੇ ਫ਼ੀਲਡ ਗੋਲ ਕਰਕੇ ਆਪਣੀ ਟੀਮ ਨੂੰ 1-0 ਦੀ ਲੀਡ ਦਿਵਾਈ। ਅੱਧੇ ਸਮੇਂ ਤਕ ਇਹ ਟੀਮ 1-0 ਨਾਲ ਅੱਗੇ ਖੇਡ ਰਹੀ ਸੀ।
ਹਾਫ ਟੀਮ ਤੋਂ ਬਾਅਦ, ਜਲੰਧਰ ਦੀ ਟੀਮ ਨੇ ਖੇਡ ਦੇ 40 ਵੇਂ ਮਿੰਟ ਵਿਚ ਹਰਏਕਮਬੀਰ ਸਿੰਘ ਦੀ ਮਾਰਫ਼ਤ ਕੀਤੇ ਗੋਲ ਕਰਕੇ ਸਕੋਰ 1-1 ਕਰ ਦਿਤਾ ਪਰ ਪੀ.ਆਈ.ਐੱਸ.-XI ਦੇ ਯੁਵਰਾਜ ਸਿੰਘ ਨੇ ਦੇ ਖੇਡ ਦੇ 49ਵੇਂ ਮਿੰਟ ਮੈਦਾਨੀ ਗੋਲੇ ਕਰਕੇ ਆਪਣੀ ਟੀਮ ਨੂੰ 2-1 ਨਾਲ ਜਿੱਤ ਦਿਵਾਈ।
